15 сентябрьыште Марий Эл Вуйлатышын пашажым жаплан шуктышо Ю.Зайцев Петербургысо XI тӱнямбал газовый форумышто «Газпромын» вуйлатышыже-влак дене каҥашен.
Тушто Ю.Зайцев «Газпром» ПАО-н правленийжым вуйлатышын алмаштышыже В.Маркелов ден «Газпром межрегионгаз» ООО-н гендиректоржо С.Густов дене вашлийын мутланен. Нуно республикыште 2021-2025 ийлаште газоснабженийым вияҥдыме, тыгак мланде участке марте догазификаций пашам шуктымо нерген ойленыт.
Марий Элыште кок пунктшо денат паша график деч ончыч шукталтеш. Догазификацийым ончалаш гын, 2021 ийыште 650 суртыш газпучым шупшаш палемдыме гын, 716 вере ыштыме, 2022 ийыште 3345 пӧртыш «канде тул» мийышаш. 4061 суртышто газым пурташ 538 млн утла теҥге кӱлеш.
УМБАКЫЖЕ — «Кугарня» газетыште лудса.