26 июль гыч «Газпром газораспределение Йошкар-Ола» ООО газпучым мланде участке марте шупшаш йодмаш-влакым налеш. Тидлан компанийын кеч-могай филиалышкыже але «Мои документы» МФЦ-лашке мияш лиеш.
—
«Газпром межрегионгаз Йошкар-Ола» ООО-н калыкым обслуживатлыме рӱдерышкыже миен коштмо деч вара Марий Элым вуйлатыше Александр Евстифеев газификаций шотышто погынымашым эртарен.
Россий Президент Владимир Путинын кӱштымыж почеш, газым пуртымо илемлаште газпуч кажне пӧрт марте мийышаш. Тидлан калык оксам тӱлышаш огыл. Тидым шотыш налын,
А.Евстифеев каласен: «Газым пуртымо йодыш республикыштына сайын решатлалтеш, паша умбакыжат тыгак кайышаш. Президентын кӱштымыжым тӱрыснек шуктыман».
Марий Эл Республикысе промышленность, торговльо да экономике вияҥмаш министр С.Крыловын ойлы-
мыж почеш, республикыштына 2019 ий годсек 32 ялыш 162 км газпучым шупшмо, 449 пӧртыштӧ канде тул уло, 9 котельный газ дене олталтеш. 2021-2023 ийлаште 232 км пучым пышташ шонат, 10 ялыш газ толшаш.
«Газпром межрегионгаз Йошкар-Ола» ООО-н генеральный директоржо Александр Еремин каласен: «Газым пуртымо населённый пунктлаште кажне пӧрт деке газпучым шупшаш 868 млн теҥге кӱлеш. «Догазификаций» манме программе дене келшышын, 7000 наре пӧрт оза уло. Тушеч пелыже газым пурташ кумылым ончыктен».
Владимир АПТУЛАЕВ.