МарГУ-со медицине институтын студентше-влак И.Н.Ульянов лӱмеш Чуваший кугыжаныш университетыште лийше анатомий дене вуз-влак кокласе олимпиадыште шкеныштым тергеныт. Олимпиаде рушла да ангичанла эртаралтын. Англичан йылмым тунемше-влак коклаште 1-ше верым МарГУ-со медицине институтын 3-шо курсын студентше Гаутам Гунд налын.
МарГУ-н медицине институтыштын командыже анатомий ден хирургий дене Российысе конкурслаште да олимпиадылаште чӱчкыдын сеҥышыш лектеш. Индий гыч толшо рвезе Гаутам Гунд тыгай олимпиадышке икымше гана ушнен да сеҥышыш лектын.
Мотор Йошкар-Ола, марий калыкнан поян йӱлаже тудлан моткоч келша.
– Ковам мылам хирург лияш ойлен. Тудо ош тӱня дене чеверласен. Ковамын мутшым колыштын, мый медицине дене шинчымашым келгемдаш тӱҥалынам. Российын мотор олалаж-влак кокла гыч Марий Элым ойырен налынам да МарГУ-шко тунемаш пуренам.
Ты олимпиадышке МарГУ гыч 12 студент миен. Тушеч кудытшо англичанла кутырен моштышо лийын, молышт – рушла. Англичан йылмым сайын палем. Неле ыле, изиш тургыжланенам. Но туныктышо-влак мыланем ӱшаненыт. Тыге икымше верыш лектынам, – мане Гаутам Гунд.