Гайдар урем олан йӱдвел-эрвел ужашыште верланен, Шернур тракт гыч тӱҥалеш да Сосновый урем марте шуйна. Тудо палыме йоча писатель А.Гайдарын (Аркадий Петрович Голиковын псевдонимже) лӱмжым 1958 ий гыч нумалеш. Ты уремым ыштыме почеш картым ончалаш гын, тудо кылан шергем ушештарен. 1975 ийыште Тыныш Осып, Олык Ипай, Владимир Мухин урем-влак «шочмек», ты шерген кылже «тодылалтын». Кызыт тыште илыме пӧрт-влак верланеныт.