Тений Йошкар-Оласе Бауман лицей пелен, футбол классым почыт.
Йоча-влакым икымше классыш погат. Тидлан спортшкол ӱдыр-рвезе-влакын физически ямде улмыштым, футбол дене модын моштымыштым 20-24 майыште ончен: 22 майыште – Козьмодемьянскыште, 23 майыште – Юрино районышто, 24 майыште – Йошкар-Олаште. Кокымшо йыжыҥым диагностике семын июньышто эртараш палемдыме. А пытартыш йыжыҥыште икшыве-влакым икымше классыш ойырен налыт.