Моско оласе Сеҥымаш тоштер «Цвета российского флага» онлайн-флешмобым эртара. Акций Россий флагын кечыжлан (22 август) пӧлеклалтеш.
Ты кечын Сеҥымаш тоштерын сайтыштыже уло элна мучко еҥ-влакын россий триколоран фотографийышт дене ыштыме мозаике ончыкталтеш.
Онлайн-мозаикым ыштымашке кумылан кажне еҥ ушнен кертеш. Тидлан 19 август марте тоштерын сайтышкыже Россий флаг фотом вераҥдыман. Флагым сӱретлаш, коллажым ямдылаш, тӱрлаш, эсогыл тортым кӱэшташ, тыгак пеледыш, воздушный шар, чия, тӱрлӧ тӱсан кагаз, страз, шӱртӧ дене композиций-влакым ышташ лиеш.
Акций нерген Сеҥымаш тоштерын сайтыштыже (https://victorymuseum.ru/) лудса.