Марий Элыште илыше самырык ӱдыр-рвезе-влаклан «Молодйошка» форум лийшаш. Тудо 28 август гыч 1 сентябрь марте Куяр посёлкысо «Авангард» базыште эртаралтеш. Тушто у йолташ-влакым муаш, тӱрлӧ сферыште тыршыше профессионал, специалист-влакын лекцийыштышт шуаралташ йӧным келыштарыме.
«Молодйошка» форум Марий кундемыште илыше самырык еҥ-влакын моштымашыштым вияҥдаш полшашлан ышталтын. Тушто грантым налаш конкурслашке проект-влакым возаш туныктат. Тидланже шке идейыштым илышыш шыҥдараш шонышо талантан участник-влакым вучат.
Интернет гыч налме фото.