2024 ийыште Неле илыш ситуацийыш логалше-влаклан полшышо фонд ден «Объединение многодетных семей города Москвы» мер организаций Российысе шуко шочшан еш ден коммерческий огыл организаций-влакым «Многодетная Россия» проектыш ушнаш ӱжыт. Тудо Ешын идалыкше лӱмеш эртаралтеш.
Ты проектыште кок кугу мероприятийым палемдыме. Тиде шуко шочшан еш-влакын «Многодетная Россия» форумышт да «Здоровая семья — сильная Россия» спорт фестиваль. Форумын да фестивальын программышт почеш мероприятий-влак пел ий мучко эртаралтыт. Июньышто Москошто пайрем лийшаш.
Чыла тидын нерген уверым https://многодетные-семьи.рф сайтыште лудса. Туштак анкетым муын кертыда.
Эльвира Терентьева.