Марий Элыште 46 тӱжем утла еҥ «Формирование комфортной городской среды» программе почеш тӱзатышаш верым ойырен налмашке шке гоч але волонтёр-влакын полшымышт дене ушнен. Туге гынат южо еҥ ты проектыш ушнымо шотышто кокытелана, лӱдыкшыдымылык шотышто тургыжлана. Нунылан волонтёр-влак Яна Малюта ден Мария Роженцова вашештат.
Волонтёрым мошенник деч кузе ойыраш?
– Волонтёр-влак эре поснамэкипировкан улыт да официальный СМИ-н палдарыме верлаште пашам ыштат.
Тӱзатыме объект-влак верч йӱклаш лӱдыкшӧ огыл?
– Объект-влак верч йӱклаш лӱдыкшӧ огыл. Личностьым пеҥгыдемдаш толшо смс ны мошенник, ны волонтёр-влаклан конфиденциальный информацийым шолышташ йӧным ок пу.
Йӱклымаш почеш мыняр объектым тӱзаташ лиеш?
– Йӱклымаш пытымеке, ик сеҥышым палемдат. Но варарак, смете документацийым ыштымеке да сеҥыше-проектым илышыш шыҥдараш мыняр окса кӱлмым рашемдымеке, лидер-влак коклаште вич кумдык наре ойырен налын кертыт.
Рейтинг йӱклымаште могай кумдык ончылно кайымым кузе пален налаш?
– Республик мучко тӱшка рейтинг уке, муниципалитет-влакын гына. Кажныштыже могай кумдык ончылно кайымым 12.gorodsreda.ru сайтыште ужаш лиеш. Тидлан йӱклымӧ деч ончыч ойырымо кумдыкын страницыжым почын да погымо йӱкым ончалын кертыда. Йӱклымекат, рейтинг вигак лектеш.
Госуслуги сайтыште регистраций деч посна йӱклаш лиеш мо?
– Те 12.gorodsreda.ru сайт гоч йӱкледа гын, регистраций кӱлеш. Волонтёр-влакын полышыштлан эҥертеда гын – телефон номер гына.
Марий Элыште тӱзатышаш объект-влакым ойырымашке теат ушныза. Пырля гына шушаш ийыште могай кумдыкым тӱзаташ кӱлмым рашемден кертына.
Ушештарена: йӱклымаш Россий Президент В.Путинын темлымыж почеш ямдылыме «Жильё и городская среда» нацпроектын «Формирование комфортной городской среды» федеральный проектше почеш кая.