Санкт-Петербургышто «Профессионалы» чемпионатын («Профессионалитет» федеральный проектлан келшышын) финалже эртаралтын.
Тушто Марий радиомеханический техникумын студентше Фёдор Петунин моштымашыжым терген – «Промышленная механика и монтаж» компетенцийыште таҥасен.
Фёдор нылымше верым налын. «Чот ямдылалтынам, тургыжланенам. Кушто гын йоҥылышымат ыштенам. Но нылымше вер удажак огыл, шонем. Ончыкыжым сайрак лектышыш шуаш тыршаш тӱҥалам», – манеш студент.
Техникумын сайтше гыч налме фото.