«Финно-угор калык-влакын поянлыкышт»

Фотом www.marimedia.ru сайт гыч налме

13 майыште Марий кугыжаныш университетыште «Финно-угор калык-влакын поянлыкышт»  тӱнямбалысе VIII студент форум эртаралтын. Тиде мероприятий финн-угор регионлаште кӱшыл шинчымашым пуаш тӱҥалмылан  90 ий теммылан пӧлеклалтын.

Кажне ийын эртарыме ты форумын тӱҥ шонымашыже –  Россий да Европысо финн-угор студент да аспирант-влак  кокласе кылым пеҥгыдемдаш, финноугроведенийыште шымлыме паша опыт дене палдараш.

Валентина Семёнова.