Вашлиймаш
24-25 мартыште Марий Элыште Российысе финн-угор калык-влак ассоциацийын президумжын заседанийже эртаралтын.
Тудын председательже П.Тултаев Марий Элым Вуйлатыше Ю.Зайцев денат вашлийын мутланен. Нуно вашкылым утыр пеҥгыдемдыме шотышто каҥашеныт. Ю.Зайцев национальный йодышла дене лекше нелылыкым решатлаш ямде улмыжым ойлен. «Республикым вуйлатыше семын республикысе калык-влакын келшымашышт пеҥгыдемже манын, чылажымат ышташ ямде улам», – каласен тудо.
П.Тултаев марий йылме дене информационный технологийын вияҥмыжым палемден. «Марий йылме да литератур дене у программым ямдылыме да нуным федеральный переченьыш пуртымо шотышто нелылык кызытеш уке. Тиде йодышым кужу жап каҥашышна. Республикысе Правительстве полшымо дене тиде направлений почеш кугу пашам шуктымо», – ойлен Пётр Николаевич.
