28 февральыште Алнаш районысо Байтеряково ялыште Финн-угор тӱнян тӱвыра рӱдыверже торжественно почылтын.
Мероприятийыш Татарстан да Удмуртий республиклан тӱрлӧ кундемже гыч толыныт. Пайремыште Удмуртийыште илыше бесермян, мордва, марий, коми калык-влак лийыныт.
Байтеряково – Удмуртийыште финн-угор тӱнян кокымшо тӱвыра рӱдыверже. 2014 ийыште Шаркан районысо Старые Быги ял тиде лӱмым нумалын.
Уна-влаклан Кава меҥгыш солыкым сакыме йӱлам («Йыбырттон ин юбо») ончыктеныт. Тудо идалык жаплан арт-объектыш савырна.
Мероприятий усталык коллектив-влакын выступленийышт дене мучашлалтын.
