17-18 декабрьыште Мордовийын рӱдолаштыже Российысе Финн-угор калыкын VII погынышт эртаралтын. Тушто 43 кундем гыч 100 утла делегат лийын.
Тӱвыра, образований, наукын да СМИ-н пашаеҥышт, мер организаций-влакын еҥышт шочмо йылмым вияҥдыме стратегий, финн-угор калык-влакын тӱвырашт, образованийышт йодышлам лончыленыт, у технологийым радамленыт. Тыгак тыште этнотуризм, проект паша, молодёжный инициативе да эн сай практик-влак нергенат каҥашыме.
Российысе Финн-угор калык-влакын ассоциацийыштым угыч Пётр Тултаевлан вуйлаташ ӱшаненыт, алмаштышыже – ончычсо семынак Михаил Васютин. Тыгак 51 еҥан советым ойырымо. А Марий Эл гыч тушко шым еҥ пурталтын.
Фотом Интернет гыч налме.
