
Тений сентябрьыште Йошкар-Олаште Финн-угор-влакын III всероссийский форумышт лийшаш.
Тудым эртарыме нерген 15 январьыште Марий Элым Вуйлатыше Ю.Зайцев Российысе Финн-угор калык-влакын ассоциацийыштым вуйлатыше П.Тултаев дене вашлийын мутланен.
«Ме исполнительный кучем могырым чыла кӱлешан пашам организоватлена. Уло кумылын уна-влакым вучена да финн-угор-влакын йодышышт ден нелылыкыштлан кугу тӱткышым ойырена. Шушаш погынлан сайын ямдылалтына, шонем», – каласен Юрий Зайцев.
Финн-угор ассоциацийым вуйлатышын палемдымыж почеш, Марий Элыште тӱп калык-влакын йылмыштым арален кодымо сферыште кугу опытышт уло. Тыгак тиде икымше всероссийский молодёжный финн-угор форум лиеш манын.
А Марий Элым Вуйлатыше тыгай мероприятийлан республикын кӱлешан базыже уло манын палемден.