«Мы» тӱнямбалысе молодёжный кинофестиваль фильм конкурсым увертарен.
Тушко 2022 ий 1 январь деч вара ямдылыме кӱчык метражан фильмым колташ лиеш. 12-17 да 18-35 ияш-влакын пашаштым посна аклат. Номинаций-влак: «Кӱчык метражан эн сайын модмо фильм», «Кӱчык метражан эн сай документальный фильм», «Эн сай актёр паша», «Эн сай оператор паша», «Мемнан жапысе герой». Паша-влакым 24 ноябрь марте вучат. Сеҥыше-влакым Российысе Кинематографист-влакын рӱдӧ пӧртыштышт 24 декабрьыште саламлат.