Пургыж тылзын 12-ш кечыштыже марий калык коҥга пайремым палемда. Республикынан эрвел-йӱдвел могырыштыжо, утларакшым Шернур, Кужеҥер кундемлаште тиде пайрем деке мелын шогат. Мутлан, Кужеҥер район, Чодыраял калык тиде кечын эрденак коҥгам олтен тӱрло пайрем кочкышым: мелнам, когыльым, пулашкамуным кӱэштеш. У стел ӱмбаке Чесым пога. Юмым пелештымек, шкеж деке родыжо, сай палыме пошкудыжо-влакым ӱжеш. Пырля погынен, коҥган сымыстарыше, шокшым пуымо вийжым моктен пайремы ышташ тӱҥалыт. Мурым мурат, куштат, мыскарам ыштылын-ыштылын, кӱнчылам шӱдырат, вынерым куат, жапым пайдалын эртарат.
