Чебоксар, Ульяновск, Киров олала, Марий Эл Республик, Свердловск, Ярославль, Киров областьла да моло кундемла гыч 600 утла йоча «Руки сердечное тепло» регион-влак кокласе XI инклюзивный фестивальыш ушнен.
Тудо 6 апрельыште Йошкар-Олаште Бауман лицейын сценыштыже торжественно почылтын. Фестивальым лицей ден «Лира» йоча сымыктыш школ Марий Элысе Тӱвыра, печать да калык-влакын пашашт, тыгак Образований министерстве-влакын полшымышт дене эртареныт.
…Вокальный мурымаш, хореографий, сценический искусство, инструментальный исполнительство, декоративно-прикладной творчество, анимаций, живопись… — чыла номинацийыште ОВЗ-ан ӱдыр-рвезе-влак талантыштым веле огыл, тыгак чон шокшыштым почын ончыктеныт.
📸 «Лира» йоча сымыктыш школын альбомжо гыч налме фото-влак.