1-7 мартыште Сочи олаште Российын Президентше В.Путинын темлымыж почеш Молодёжьын тӱнямбал фестивальже эртаралтеш. Тудо «Сириус» федеральный кумдыкышто лиеш.
Тушко Марий Эл гыч 72 еҥан делегаций кая. Тылеч посна 25 еҥ фестивальыште волонтёр пашам шукташ тӱҥалеш. Тудым Марий Эл Республикысе Молодёжный комитетым вуйлатышын алмаштышыже Сергей Анисов вуйлата.
Ты фестивальыш уло тӱня гыч 300 тӱжем еҥ йодмашым колтен. Тышке 20 тӱжем самырык ӱдыр-рвезым ойырен налме, тышеч 10 тӱжем еҥже Россий гыч улыт.
Эльвира Терентьева.