15-17 сентябрьыште Угарман кундемыште калык усталык да сымыктыш «Финно-угорский транзит» тӱнямбал фестиваль лиеш. Тудо Российысе финн-угор да саам калык-влакын кок ияш театр пашан лектышыжым иктешлышаш.
Ты фестиваль 2008 ий годсек эртаралтеш. Тудо элнан 15 регионыштыжо лийын, кок тӱжем наре участникым чумырен, 33 транзитный концертым, этномодо коллекций дефилем 25 гана ончыктен, 28 мастер-классым эртарен, кино, ончер, деловой программе-влакым ямдылен.