23 сентябрьыште Я.Эшпай лӱмеш Марий кугыжаныш филармонийыште «Марий шыже» сымыктыш фестиваль почылтеш.
Тудым тений Донецкысе С.С.Прокофьев лӱмеш академический симфонический оркестрын концертше почеш. Тушто кумдан палыме пианистке Валентина Лисицат лиеш.
Тыгак Мордовийысе «Умарина» мурышо да куштышо кугыжаныш ансамбль, Удмуртийысе фольклор муро да куштымаш «Айкай» кугыжаныш театр, Инна Рахзумихина ден Борис Галкин «Навстречу друг другу» концертыште выступатлат.
Ты гана тудо ик тылзе шуйна да кугу концерт дене 18 ноябрьыште пыта. Ты кечын филармоний 85 ияш лӱмгечыжым палемда.