🩰 Тӱвыра инициативе-влакын президент фондшо Российысе театр пашаеҥ-влакын ушемыштын марий пӧлкажын «История Отечества на оперной и балетной сцене» проектшылан полышым пуэн.
30 май гыч 22 июль марте тиде фестивальын тӱҥ этапше эрта. Э.Сапаев лӱмеш Марий кугыжаныш опер да балет театрын сценыштыже Татар, Пошкырт, Челябинск опер да балет театр-влак да Кугу Беларус театр шке эн сай постановкыштым ончыктат.
Марий театрын репертуарыштыже — «Русский Гамлет», «Война и мир», «Екатерина Великая», «Письма с фронта», «Гусарская баллада» спектакль-влак. Фестивальым «Молодая гвардия» балетын премьерыж дене почыт.
Ушештарыман, «История Отечества на оперной и балетной сцене» проект кышкарыште «Екатерина великая» оперын премьерже 2024 ий 1 октябрьыште лийын.
Э.Сапаев лӱмеш опер да балет театр.