28 августышто Псков область Печора район Сигово ялыште сето калыкын «Сетома! Семейные встречи» тӱнямбал этнокультурный фестивальышт почылтын.
Ты кечын фестивальын участникше да усталык коллектив-влак таҥошкылмашыш ушненыт. Уна-влаклан ярмиҥгам, усталык шӱлышан мастер-классым ямдыленыт, калык кочкыш дене палдареныт. Тыгак интерактивный площадке-влак пашам ыштеныт. Фестивальым вепс, ижор, водь калык-влакын усталык коллективышт сӧрастареныт.