Тыгай ролевой модышым Ямал-Ненец автономный округын Национальный книгагудыжо 21 январьыште эртара. Тыгай проектым Российысе тӱвыра поянлык идалык лӱмеш ыштыме. Модышлан йӱдвел мифологийын сӱретше дене сылне карт-влакым ямдылыме. Модышын сюжетше почеш, йӱд шумеке, чумышто илыше озавате-влак кидпашаштым шуат, йоча-влак малаш возыт, а уремышке осал шӱлыш толеш. Лач шаман кочевник-влакым колымаш деч утарен кертеш. Куд кочевник, кум осал шӱлыш да ик шаман модыт.