3-8 ноябрьыште «Кугу этнографический диктант» акций лиеш. Еҥ-влакын этнографический шинчымашыштым тергаш манын, диктант Калык-влакын икоян улмышт кече вашеш лиеш.
Диктантым онлайн эрташ шонышо-влаклан www.miretno.ru сайтыш пурыман. Оффлайн возаш кумылан-шамыч 3 ноябрьыште 11 шагатлан С.Г.Чавайн лӱмеш Национальный книгагудыш миен кертыт. Йодыш-влаклан чын вашмутым 12 декабрьыште, Конституций кече вашеш, сайтыште вераҥдат.