Россий Президент В.Путинын Указше почеш тений ме Ешын идалыкшым палемдена. Еш – илышын рӱдыжӧ, куанже. Тудо кажнылан ик эн лишыл да йӧратыме. Лишыл еҥ-влак дене пырля ме пиалан, кумыл нӧлтшӧ улына. А те еш дене пырля мом ышташ йӧратеда? Жапым кузе эртареда?
Татьяна Михайлова, воспитатель:
– Ешна – тиде чон ласкалыкым пуышо вер. Мемнанат ешна кугу. Икте-весылан ваш эҥертен илена, чыла пашам пырля ыштена. Кеҥежым пӱртӱс лоҥгаш каналташ лектына, емыж-саскам погена, тыгак эҥерыште колым кучена.