Марий Элым Вуйлатыше Ю.Зайцевым республикыште туризмым вияҥдыме шотышто концептуальный план дене палдареныт. Ты планыш 200 наре инициативе гыч 130 проектым пуртымо.
Изи Какшан серым тӱзаташ, Воскресенский проспектым уэмдаш, Йошкар-Олаште «Республика в миниатюре» парк-тоштерым ышташ, Медведево ипподром ден Чуркан ер воктенысе каныме базым вияҥдаш шонат.
Козьмодемьянскым кокымшо туристический олаш савырынешт, тыгак «Юрино» ден «Базарная площадь» туристский рӱдер-влакым ыштынешт.
Приоритетный проект-влакыш инвестицийын кугытшо 10,8 млрд теҥгеш шуэш. Тыге 1,6 тӱжем у паша лектеш, да кажне ийын бюджетыш 940 млн наре теҥге налог пура.
Авторын фотожо.