Йошкар-Олаште 1-ше №-ан Медсанчастьын 2-шо №-ан гинекологий отделенийжым пел ий ончыч олмыкташ тӱҥалыныт.
Ты медучрежденийыште вспомогательный репродуктивный технологий (ВРТ) дене пайдаланат. Тиде йӧнлан (утларакшым – ЭКО-лан) эҥерташ шонышо мужыр-влаклан ынде эшеат сай условийым ыштат.
Олмыктымо паша деч вара ВРТ-лан посна блок лиеш, тушто репродуктивный технологий шотышто чыла службым чумырат, палдара 1-ше №-ан Медсанчастьыште тӱҥ врачын сомылжым шуктышо Т.Петрухина.
freepik сайт гыч налме фото.