Козьмодемьянск олан исторический ужашыжым ачалат.
Тудо «Козьмодемьянск – живой музей истории, экологии и традиционной культуры» проект почеш шукталтеш.
Кызыт Карл Маркс площадьыште паша кая. Тыште брусчаткым, бордюрым оптат. Паркым лишыл жапыште сӧрастарен пытарат, Остап Бендер лӱмеш тоштер да «Якорь» кевыт воктене парапетым ыштеныт.
Паша кузе кайыме шотышто кодшо кечылаште олан мэрже подрядный организацийын вуйлатышыже-влак дене вашлийын.