Отечественный кинематографийлан социальный да экономический полышым пуышо федеральный фонд конкурсым иктешлен. Ты конкурс 500 тӱжем марте еҥ илыман населённый пунктлаште фильмым ончыктышо организаций-шамычлан полша. Марий Элысе олалаште да районлаште кум кинозаллан окса полыш ойыралтеш.
Козьмодемьянскыште, Кужэҥер да Медведево посёлкылаште кызытсе жаплан келшыше кинозал-влак лийыт. Тушко цифровой оборудованийым, киноэкраным да кресле-влакым вераҥдат. 2023 ий мучаште ыштен шукташ шонат.