Йошкар-Олаште кокымшо модельный книгагудым почмо.
Тудым ышташ «Культур» нацпроект почеш федеральный бюджет гыч 5 млн теҥгем да муниципальный бюджет гыч 4 млн теҥгем ойырымо. Сомбатхей микрорайонысо библиотекын чыла пӧлемжым ачалыме, электровоштырым вашталтыме да моло сомылымат шуктымо. Лудшо-шамычым йӧнан зал-влак, компьютер класс, книгам аралыме да лудмо вер-влак вучат. Книгагудылан 8 ноутбукым, 2 стационарный компьютерым, интерактивный панельым, ӱстембалым, телевизорым, принтерым, ламинаторым да молымат наледыме.
