Марий Эл Республикысе Правительстве эше 40 автобусым налшаш. Калыкым шупшыкташ транспортым лӱмын казначейский кредитым шеледыме окса дене кондат. Тидын нерген йодмашым Российысе регион-влакым вияҥдыме правительственный комиссий президиумын заседанийыштыже пеҥгыдемденыт.
«У автобус-влакым кондымеке, 100 наре еҥлан пашавер лектеш, социально кӱлешан объектлашке вашке миен шуаш, посна категорий еҥ-влаклан льгот ак дене кудалышташ да единый проездной билет дене пайдаланаш йӧн лектеш», – палемден Ю.Зайцев.
Автобус-влакым 2024 ий 1 февраль марте кондышаш улыт.