Маристатын палдарымыж почеш, 2022 ийыште Марий Элыште 3569 мужыр ушнен, тидыже 2021 ийысе деч 15,1 процентлан шукырак. Регистрироватлалтше-влак кокла гыч 67,9 оръеҥ ден 70,2 процент каче икымше гана ешым чоҥеныт, 29,9 процент ӱдырамаш ден 28,8 процент пӧръеҥ уэш возалтыныт. Ӱдыр-влак утларакше 20-24 ияш годым марлан лектыт, а рвезе-влак 25-29 ияш улмышт годым ӱдырым налыт. Пытартыш ийлаште ийготыш шудымо-влак палынак шагалрак возалтыныт. 2022 ийыште тыгай иготан 16 ӱдыр да 3 рвезе ешаҥыныт.
Кажне пиалан ешын тӱҥ шонымашыже – йочан лияш. 2022 ийыште республикыштына 5687 аза шочын: 51,3 процент эрге да 48,7 процент ӱдыр. Тидыже 2921 ийысе деч 11 процентлан шагалрак. Шочшо аза-влак кокла гыч 31,9 процентше ешыште икымше йоча улыт, 35,1 процентше – кокымшо, 22,1 процент – кумшо, 10,7 процент – нылымше да утларак йоча. 2022 ийыште Марий Элыште 59 йыгыр да ик ешыште иканаште кум икшыве шочыныт.
Пиалан лийза, икте-весыдам йӧратыза, аклыза!