Колынам, кок йочан еш, пачерым ужалымеке, налогым огеш тӱлӧ. Чынак мо?
И.Матвеев.
Советский район.
Налог шотышто федеральный службын Марий Эл Республикысе управленийже умылтара:
– Российыште еҥ-влак, доходым ыштен налмеке, мутлан, пӧртым але пачерым ужалымеке, налогым тӱлышаш улыт.
Тыгодым пого але пай айдемын собственностьыштыжо палемдыме жап деч утларак лийын гын, тудым ужалымеке, налогым тӱлаш огеш логал. Законышто ончыктымо почеш, пого дене пайдаланыме эн изи жап – вич ий, а южо пого шотышто – кум ий, мутлан: айдемын ик пачерже гына уло да тудым ужала, объект наследстве (пӧлеклыме) почеш лишыл родо деч куснен.
А кок да утларак йочан еш-влакын пӧрт собственностьыштышт шагалрак жап лийын гынат, тудым ужалымеке, НДФЛ-ым тӱлышаш огытыл. Ты у нормо 2021 ий тӱҥалтыш гыч налме доходлан кучылталтеш, тыгодым РФ Налог кодексын 217.1 статьяжын 2.1 пунктыштыжо ончыктымо условийым шуктыман.
Поснак шотыш налза: погым ужалыме деч доход погын кадастровый акшым «0,7 пониженный коэффициент» манмылан ушымо деч изирак гын, налог орган НДФЛ-ым «0,7 пониженный коэффициентлан» ушымо кадастр акысе доход гыч шотлен луктеш.
Кугыжаныш правам регистрироватлыме идалыкысе 1 январьлан ЕГРН-ыште погын кадастровый акше уке гын, ужалыме-налме договорышто ончыктымо доход гыч НДФЛ-ым тӱлыман.
Йодышда уло гын, «шокшо линийыш»
(8-800-222-22-22) йыҥгыртен кертыда.