16-18 августышто рӱдӧ олаште йӱдвел (скандинавский) коштмаш да куржталмаш дене «Йошкин КотоХод» еш фестиваль эртаралташ тӱҥалеш.
Икымше кечын участник ден уна-влакым тӱнямбалысе туныктымо Skandi форум вуча. Тушто Белоруссий, Казахстан, Моско гыч спикер-влак выступатлаш тӱҥалыт.
17 августышто Nordic Skills йӱдвел коштмаш технике дене таҥасымаш лиеш. Тыгак экскурсийыш ӱжыт да фестивальын сувенир коркажым ыштыме шотышто мастер-классым эртарат.
18 августышто Чарла кремль кундемыште 5 гыч 10 меҥге кужыт марте Йошкар-Олан исторический уремлаж дене куржталмаш ден йӱдвел коштмаш лийыт.
«Йошкин КотоХод» тӱшка гыч налме фото.