Тыгай лӱман ӱдыржӧ нерген Пошкырт кундем гыч мурызо Сергей Байназов каласкалыш:
– Ешыштына кок эрге деч вара ӱдыр шочмылан моткоч йывыртенна. «Юмо полшен» манын каласем. Лӱмым пуымо шотышто пелашем дене ик ойыш шуынна, «Марий лӱм-влак» книга полшыш. Эрвина мыланем руш Виктория лӱмым ушештара.
Тений тудо Ӱдырем Пӱрӧ 9-ше №-ан школышто визымше классым тунем пытарыш. Отличнице. Тушто марий йылмым школышто тунемеш. Калык куштымаш» направлений дене музыкальный школышто нылымше иймастарлыкшым шуара, мурашат кертеш. Изинек ачаж дене гастрольыш коштеш. Кок ий ончыч Мишканыште йоча вокал конкурсышто икымше верым нале. Музыкальный школын тунемшыже-влак дене пырля шуко мероприятийыште кушта, тӱрлӧ конкурслаште вийым терга. Эрвина моткоч усталык шӱлышан: йӱд марте сӱретла, биссер дене сӧрал арвер-влакым ыштылеш, пеш оҥайын каласкален мошта. Ме аваж дене южгунам театрыште шинчыме семынак тудым колыштына, ончена… Тыгак кызытсе куштымаш-влакым кушта, шкеак постановкым шында. Кастене кид дене кошташ йӧрата, ачаж гаяк акробат. Аважлан пӧрт сомылым ышташ полша, мелнам, когыльым, круасаным кӱэштын мошта, кызыт тортым ямдылаш тунемеш.
