20-21 апрельыште Чебоксар олаште любительский усталык коллектив-влакын конкурсышт эртаралтын. Тушко Марий Эл гыч Т.Дмитриева лӱмеш «Эрвел марий» мурымаш да куштымаш калык коллектив миен да I степенян диплом дене пӧртылын.
Конкурсыш элнан индеш регионжо гыч 14 коллектив ушнен. Лауреат лӱмым да «Культур» нацпроект почеш грантым вич коллективлан пуымо.
«Эрвел марий» ансамбльын куштызыжо-влак «Пар кычалмаш» пошкырт марий да «Марла йыр пӧрдмаш» марий калык куштымаш-влакым ончыктеныт.
