Чуваший Республикын рӱдолаштыже 22-24 июньышто «Родники России» Российысе XXIX фестиваль эртен. Тиде фестивалыште тений 88 еҥ гына лийын (6 коллектив). Нунын коклаште – Йошкар-Ола гыч мурышо да куштышо «Эрвел марий» калык ансамбль.
Марий Эл деч посна Татарстан, Башкортостан, Мордовий, Коми Республикла, Пермь край гыч ансамбль-влак лийыныт. Фестиваль Чуваший Республикын кечыжым пайремлыме жапыште эртен.
Чебоксарын Йошкар площадьыштыже канаш лекше-влак кокла гыч икмынярынже «Лӱмынак марий куштымашым ончаш толынам» манше лийыныт. Тидыже – марий ансамбльлан тыгай фестивальыште эн кӱкшӧ ак.
Владимир Аптулаев.