Советский район Кужмарий ялыште моло кундем семынак, илышыште вашлиялтше, тӱрлӧ тӧрсырым ончыде, илыш ончыко эркын кая. Теҥгече ме, «Кугарня» газетын пашаеҥже-влак, тушко миен коштна. Миймынам пален, тысе адмнистраций пашаеҥ-влак да тудын вуйлатышыже И.Д. Янцев, тысе «Ленин лӱмеш» ялозанлык предприятийым вуйлатыше М.И.Лисов мемнам сайын вашлийыч. Шке пашашт дене палдарышт, ялын чолга еҥже-влак денат ужын мутланаш йӧным ыштышт. Мутат уке, тиде вашлиймаш нерген газет лаштыкыштына возымо материал лишыл жапыште кумдан савыкталтеш. А таче ты кундем нерген мый фотосӱретлаште ончалаш темлем.
