Спорт
Озаҥысе «Тулпар» стадионышто Юл кундем федеральный округын регби-7 дене ӱдырамаш команде-влак ӱчашеныт.
Йошкар-Ола гыч «Красный город» команде Пермь, Ульяновск, Озаҥ, Тольятти да Ижевск олаласе спортсмен-влак дене таҥасен. «Красный город» (тренерже – Алексей Сарычев) кумшо верым налын. Тыгак эн сай модшылан Ксения Лобановам шотлымо.
Тылеч ончыч рвезе-влакын «Красный город» командышт Пензыште ПФО-н первенствыштыже кокымшо верыш лектыныт. Эн сайын модшо – Ярослав Князев. Ынде ты команде июньышто Российысе турнирыш кая.