Марий Элыште тений кандаш тылзыште 314 тӱжем наре кв. метр илыме верым чоҥымо, тушеч 99 тӱжем наре кв. метрже – шуко пачеран пӧртлаште.
Сентябрьыште Йошкар-Олаште «Фестивальный» микрорайонышто 6,1 тӱжем наре кв. метр илыме веран шуко пачеран пӧртым чоҥен шуктымо, Зарубин уремыште – 4,7 тӱжем наре кв. метр илыме веран пӧртым. Машиностроитель урем да Ленин проспект ушнымо кумдыкышто 4,1 тӱжем кв. метр илыме веран пӧртым лишыл жапыште чоҥен пытарат, палдара Чоҥымо паша да ЖКХ министерстве.