Эн волгыдо, чолга да креативный!

С.Г.Чавайн лӱмеш Национальный книгагудышто 9 март гыч 27 май марте «М.А.Я.К.: Молодые. Активные. Яркие. Креативные» конкурс эртаралтын.

Тушто шым самырык пашаеҥ участвоватлен. Нуно видевизитке-самопрезентацийым, видеобзорым да виртуальный выставкым ямдыленыт. Сеҥышыш литературым обрабатыватлыме да каталогым чумырымо пӧлкаште тыршыше Алиса Фадеева лектын.

Каласыман: ты конкурсыш ушнышо-влакын стажышт — ик ият пеле гыч 10 ий. А книгудышто 35 ияш марте 12 пашаеҥ тырша.  Мо куандара: нине участник-шамыч апрель мучаште Москошко миен коштыныт да Российысе молодёжный книгудышто лийыныт.

Снимкыште: библиотекарь-влак Москошто.

Книгагудын архивше гыч налме.