25 октябрьыште Йошкар-Оласе самырык-влакын полатыштышт вузлаште тунемше-влаклан эртаралтше «Идалыкын студентше-2023» Российысе премийын регионысо йыжыҥжым иктешлыме.
Премийым налшаш верч тений 60 наре йодмаш пурен. Жюри участник-влакын портфолиоштым да презентацийыштым ончен аклен. Талантан ӱдыр-рвезе-влакым икмыняр номинацийыште палемдыме.
«Идалыкын архитектор-проектировщикше» номинацийыште ончыл верым ПГТУ-н студенткыже П.Столбушинская, «Идалыкын интеллектше» номинацийыште ПГТУ-н студентше С.Исманов, «Идалыкын спортсменже» номинацийыште МарГУ-н студенткыже А.Горбачева, «Идалыкын усталык еҥже» номинацийыште МарГУ-н студенткыже Л.Нигматуллина, «Идалыкын общественникше» номинацийыште ПГТУ-н студенткыже В.Леонтьева, «Идалыкын старостаже» номинацийыште ПГТУ-н студентше И.Бобров да моло номинацийыште налыныт.