Медведево посёлкысо 3-шо номеран школышто «Интеллектуал» изи науко фестиваль эртаралтын.
Регионысо школ команде-влак интеллектуальный марафонышто, мастер-классыште, тӱрлӧ предмет дене практический занятийыште да квизыште уш-акылыштым тергеныт. Икымше степенян диплом дене Советский посёлкысо 3-шо номеран школын «Интеллект на грани» командыже палемдалтын. Кокымшо степенян диплом дене Йошкар-Оласе 17-ше номеран школын «Формула-17» командыже да Медведево посёлкысо 3-шо номеран школын «Ракета» командыже суапландаралтыныт. Кумшо степенян диплом Шернур районысо Марисола школын «Факел» командыжлан да Йошкар-Оласе А.Мальро лӱмеш 26-шо гимназийын «Дюма без ума» командыжлан логалын.