7 февральыште «Марий Эл» ий полатыште самырык-влак коклаште ий ӱмбалне коньки дене мунчалтымаш дене Российын IV телымсе Спартакиадын II йыжыҥже мучашлалтын. Таҥасымаш кум кече каен. Тушто элнан 18 регионжо гыч спортсмен-влак шке вийыштым тергеныт.
Команде дене таҥасымаште Татарстан кундемын спортсменже-влак икымше лийыныт. Кокымшо верыште Пермь край, кумшышто Челябинск область. Марий Элын спортсменже-влак ончыл радамыл логалын огытыл.