«Калык участковый – 2022» конкурсын регионысо йыжыҥыштыже икымше верыш куд тӱжем утла йӱк дене МВД-н «Медведевский» пӧлкажын
участковыйжо Татьяна Иванова лектын. Кокымшо верыште «Волжский» отделын пашаеҥже Светлана Кузнецова, кумшо верыште Йошкар-Оласе 2-шо номеран полиций пӧлкан участковыйжо Владислава Светлакова улыт.
Татьяна Иванова – майор. Участковыйын сомылжым лу ий виктара, кум тӱжемат пеле еҥлан мутым куча. Ынде тудо Марий Элын чапшым Российысе йыжыҥыште аралаш тӱҥалеш.