Йошкар-Олаште «Идалыкын воспитательже – 2025» конкурс тӱҥалын.
Эн сай воспитатель лияш верч «Жар-птица», «Золотой ключик», «Солнышко» да «Ӱжара» йочасад-влакын пашаеҥышт ӱчашат. Икмыняр кече жапыште участник-влак шке мастарлыкыштым тыгай этаплаште ончыктат:
🌼«Йоча-влак дене педагогике мероприятий-влак»
🌼«Туныктымо проект»
🌼«Мастер-класс»
Воспитатель-влак йочан личностьшым чумыраш полшышо методикыштым, оҥай проект ден сеҥымашыштым ончыктат. Конкурсым 28 мартыште иктешлат.
📸 Йошкар-Олан мэрийжын тг-каналже гыч налме фото.