5 апрельыште Йошкар-Оласе Бауман лицейыште «Марий Эл Республикын идалыкысе туныктышыжо», «Марий Эл Республикын идалыкысе воспитательже» да «Марий йылмым эн сайын туныктышо» республикысе конкурс-влакым торжественно почмо.
Тиде кечын конкурс-влакын икымше йыжыҥышт лийын.
Тений конкурслашке 38 туныктышо ушнен: 19 педагог, йочасад гыч 14 воспитатель да марий йылмым 5 туныктышо. Конкурс-влак апрель мучаш марте шуйнат. Участник-влак тӱрлӧ заданийым шукташ тӱҥалыт.