Республикысе исполнительный наказаний управленийыште эн сай водительым ойырен налыныт. Ведомствышто автомашинам виктарыше-влак коклаште таҥасымаш лийын. Финалыш шым еҥ лектын. Нуно теорийым да практикым палымым ончыктеныт. Теорийым чыланат сайын паленыт, а автодромышто заданий-влакым шукташ нелырак лийын. Чыла баллым шотлымеке, сеҥыше-влак пале лийыныт. «Россий УФСИН-ын Марий Элысе управленийжын эн сай шофёржо» лӱмым внутренний службын прапорщикше, конвоирований пӧлкан пашаеҥже Андрей Пронин сулен.
УФСИН-ын сайтше гыч налме фото.