29 июньышто Морко районышто чодыра озанлык пашаеҥ-влак коклаште колым кучымо шотышто таҥасымаш лиеш. Тидын нерген Марий Элысе Пӱртӱс министерстве увертара.
Ты мероприятийыште кок еҥан команде таҥасен кертеш. Колым тӱрлӧ семынат кучаш лиеш: эҥыр, спининг, шке подкормко дене фидерный але донный снасть. Чылажге вич номинаций лиеш. Эн сай колызо-влакым диплом да пӧлек дене суапландарат.